Bahar gelse gül açylar baglarda
Gül yşkynda şeýda bilbil saz eýlär
Mergenler mesgeni beýik daglarda
Säher ýeli öser, ösmez näz eýlär

Bahar gelse joşa geler bulaklar
Kenarynda ýaşyl öwser gyýaklar
Güne salam beren akja melekler
Çigildem lälesin açar köz eýlär

Bahar gelse guçar belendi, pesi
Kükeýip bark urar gülleriň isi
Asmanda ýäňlanar guşlaryň sesi
Bagşy dutar çalar, hoş owaz eýlär

Bahar gelse saýrar şahyryň dili
Aşyk magşuk üçin bagyş eder güli
Dostlarym bahar hem gözeldir weli
Ýer görküni ynsan bezär, uz eýlär